Liewe Jesus

Liewe Jesus,


Kersfees is verby ... 
en ons huisie voel leeg.
Kersfees was so vol,
met baie familie en vriende en my eie maatjies,
ons het uitgesien met soveel verwagting
na Kersdag se vieringe -
U geboorte-toneel, die versiering van die kersboom,
die saamsing en geskenke uitdeel.
Nou is net die boom met al sy 
blink versierings oor.
Oor die naweek word ook dit weggepak .....
maar *HOE* bly is my kinderhart net nie -
dat *U* nie weggaan uit my lewe nie,
maar *virewig* in die krip van my hartjie
sal bly!
Dat ek énige tyd met U kan praat,
vir U kan vertel 
wat my bly of hartseer maak - 
vir U styf vas kan hou in my armpies ...
Dankie dat U virewig en altyd my 
Liewe Jesus sal bly - 
klein en broos in die krippie,
maar ook groot en sterk -
met U GROTE arms om my gevou
en in staat om ALLES te kan doen!
Ek het U *so* BAIE lief
my Dierbare JESUS!


Amen

Jesus se Kindertjies Bediening / Facebook

Pappa God beskerm ons elke oomblik van ons lewe

Pappa God beskerm ons 

elke oomblik van ons lewe

Ek wonder hoeveel van julle

was al  SO gelukkig

om 'n gans-mamma te sien

wanneer sy op haar eiers sit en broei

of wanneer sy klein babatjies het?

Vra mooi vir Mamma of  Pappa om julle te gaan wys!

Dis regtig so pragtig om te sien hoe sy

haar kindertjies beskerm

en as jy té naby aan hulle kom,

word sy ook sommer  BAIE  kwaai en 

blaas vir jou en jaag jou!

Jy moet ook sommer lekker pasop ook - 

want sy kan jou  BAIE  seermaak!

En sy is nie lelik met jou nie - sy beskerm

net haar kindertjies ...

'n Gans-mamma sal haar kindertjies beskerm

met haar eie lewe ...

Nou as 'n gans-mamma haar kindertjies SO beskerm -

dink net hoe beskerm Pappa God vir jou en vir my!

In die Bybel staan dat Hy ons 

beskerm en toevou met sy vleuels.

'n Makliker woord vir vleuels is vlerke.

Kyk mooi hoe vou die gans-mamma haar vlerke om haar kindertjies ...

sy doen dit  SO goed - jy kan nie eens

haar kindertjies sien nie.

Pappa God beskerm ons SOVEEL BETER

want Hy is GROOT EN ALMAGTIG  -

almagtig beteken baie, baie, baie sterk - 

sterker as enigiets anders op die aarde 

en in die Hemel!

Baie kere beskerm  Pappa God ons en dan 

weet on nie eens daarvan nie -

omdat ons hom gladnie kan sien nie.

Sê nou vir Pappa God baie dankie

omdat Hy altyd by jou is en 

jou nooit maar nooit alleen los nie en

omdat Hy vir jou so mooi oppas.

Dit beteken darem nou ook nie dat ons

sommer enige iets wat verkeerd of gevaarlik is

kan doen om te sien of 

God ons gaan oppas nie.

Dit mag ons nooit doen nie,

want dan versoek of tart ons vir God uit 

- en dit is baie, baie GROOT SONDE -

en as jy  DIT gaan probeer doen,

dan gaan God jou nie oppas nie.

Kom ons sê vandag vir Pappa God 

ekstra spesiaal dankie

dat Hy ons Hemelse Pappa is

wat  ALTYD by ons is!

En moenie vergeet om vir Hom

te vertel dat jy hom 

BAIE  liefhet nie -

dit moet jy sommer 

ELKE  liewe dag doen!

Jesus se Kindertjies / Facebook

Poppie Oosthuizen

JESUS als vir JESUS

Hier is ek JESUS -

ek wil net vir U

lewe!

En kyk EK is met jou ...

Dit is Liewe Jesus se belofte aan jou en aan my,

dat Hy ELKE oomblik met ons sal wees,

waar ons OOKAL mag gaan en

dat HY vir ons sal BESKERM

.
Dankie LIEWE JESUS dat ons

gerus kan wees omdat U

ons TOEVOU met U VLERKE.

Amen

Die Pappa wat getrou was aan sy belofte aan sy seun

Die Pappa wat getrou was aan sy belofte aan sy seun

(vra vir Pappa of Mamma om dit vir julle te lees of te vertel)

In Januarie 1988 het ‘n Armeense ouerpaar met die name Samuel en Danielle hulle seuntjie Armand vir die eerste keer skool toe gestuur.  Voordat hy weg is, het Samuel voor Armand gekniel en hom styf vasgedruk.  “Jy moet lekker skoolgaan, grootseun,” het hy vir hom gesê.  “En onthou, maak nie saak wát gebeur nie, ek sal altyd daar wees vir jou.”  Etlike ure later het ‘n ernstige aardbewing Armenië getref.  Honderde geboue is in puin gelë, honderde mense het gesterf en nog duisende is beseer.  Samuel en Danielle het hulle dadelik na Armand se skool gehaas.  Daar het hulle ‘n klomp huilend ouers aangetref.  Van die skooltjie was net ‘n rommelhoop oor.  Samuel het dadelik verwoed in die rommel begin grawe op die plek waar hy geskat het Armand se klaskamer sou wees.  Hy het met sy kaal hande groot rotsblokke en houtbalke begin verwyder, maar daar was geen teken van enige kinders nie, en hulle kon ook niks hoor nie.  “Wat dink jy doen jy?”  wou ‘n omstander weet.  “My seun is onder die rommel begrawe en ek gaan hom uithaal,” het Samuel gesê.  Niemand wou hom met sy reddingspoging help nie, omdat  die gebou aan die intuimel was en dit lewensgevaarlik sou wees om iemand daar te probeer uithaal.  Later het die gesondheidsbeamptes probeer om Samuel by die gebou weg te kry, maar hy het hom nie aan hulle gesteur nie en onvermoeid voortgegaan met sy reddingspoging.  Drie dae later het hy hom verbeel dat hy ‘n flou stemmetjie kon hoor wat “help” geroep het.  Met nuwe moed het hy verder gegrawe.  Ná nog ‘n paar uur was die stemmetjie heelwat duideliker, en het hy tot sy groot vreugde Armand se stem herken.

Nóg ‘n rukkie later het hy sy seuntjie ongedeerd tussen die klippe uitgehaal.  “Ek het geweet Pappa sou my kom haal,” het klein Armand gesê.  “Pappa het mos belowe.  En ek het vir al die ander kinders gesê hulle hoef nie bang te wees nie, want mý pappa gaan ons hier uitkry.”  Oorstelp van blydskap het Samuel daar tussen die rommel by sy seuntjie gekniel, hom in sy arms vasgedruk en vir God dankie gesê.

Op daardie dag is veertien klein seuntjies gered omdat één pa getrou was aan sy belofte.

Hierdie pappa was getrou aan sy seuntjie, maar Pappa God is soveel méér getrou as ‘n mens.  Dwarsdeur die Bybel word ons van God se getrouheid verseker.  Hy het sy volk deur die eeue getrou bewaar en elkeen van sy beloftes nagekom, alhoewel hulle so dikwels aan Hóm ontrou was.  “As ons ontrou is – Hy bly getrou,” verseker Paulus vir Timoteus.  “Hy kan nie aan Homself ontrou word nie” (2 Timoteus 2:13, NLV).  Die Here het vreugde daaraan om getrou te wees,” is die profeet Jesaja (42:21) se boodskap aan die volk wat in ballingskap weggevoer is.  En in sy wydingsgebed vir die tempel getuig koning Salomo: “Here, God van Israel, in die hemel of op die hele aarde is daar geen God soos U nie.  U bly getrou aan u verbond en het u troue liefde betoon aan almal wat U heelhartig met ywer dien” (1 Konings 8:23, NLV).

Nina Smit  :  ‘n Lied van Vreugde

Sirkels

Sirkels

Trek sirkels met jou vingers.  Maak ‘n sirkel met jou 

arms.  Vra nou iemand om ‘n sirkel om jou te maak.  Wie 

is in die middel van die sirkel?  Wanneer jy in die middel 

van ‘n sirkel is, voel jy baie belangrik.

Soek ‘n prentjie van Jesus.  Trek ‘n sirkel rondom die 

prentjie met jou vinger.  Jy het vir Jesus in die middel 

van jou sirkel gesit.  Hy is die belangrikste deel van 

daardie sirkel.

Omdat jy ‘n kind van God is, wil Jesus die middelpunt

van jou lewe wees.  Dit beteken dat wanneer jy speel, 

Hy wil hê dat jy sal optree soos sy kind.  Wanneer 

iemand jou vra om te help, wil Jesus hê jy moet optree 

soos Hy sou opgetree het.  Hy wil belangrik wees in jou 

lewe.

Ons kan nie die hele tyd ons vingers in ‘n sirkel hou om

te onthou dat Jesus die middelpunt van ons lewe is nie.  

Maar ons kan probeer om dinge te doen soos ‘n kind 

van God dit moet doen.

Liewe Jesus,

Ek probeer onthou om op te tree soos U kind.

Ek is vriendelik met almal in my gesin

en ook met my maats.

Ek probeer ook altyd alles deel.

Ek probeer ook  .....................................

(skryf self hier in.)

Amen

Mary Manz Simon  :  Ek en Jesus kuier saam

♡  Jesus se Kindertjies / Facebook ♡

♡†♡ Aan God drie-enig, alleen die eer! ♡†♡

(Die uitsendings van al my boodskappe, hang af van die stabiliteit van my internet konneksie.  Wanneer daar dus onderbrekings daarin is, sal daar ongelukkig ook geen boodskappe uitgestuur kan word nie.)

Om te kan lag

Om te kan lag is ‘n voorreg

wat die mens alleen beskore is.

Onthou dat ons maar lag

soos kinders lag,

en hoe verder ons op

die pad van die lewe vorder,

hoe meer kwyn die lag,

soos die olie in ‘n lamp laag brand.

Daaruit moet julle natuurlik aflei

dat ‘n mense net kan lag as jy

onskuldig en rein van hart is.

Honoré de Balzac

Nié te klein nie! ღ

Nié te klein nie! ღ

Hier is ‘n seuntjie ...

Johannes 6:5-13

“Jy is te klein ........”

Hoe voel jy wanneer iemand dit vir jou sê?   Jy is te klein om ‘n motor te bestuur, om ‘n koek alleen te bak, om die grassnyer te gebruik.

Maar daar is ‘n paar dinge waarvoor jy nié te klein is nie.  Watter dinge doen jy sommer baie goed?

Daar is nog ‘n ding waarvoor jy nie te klein is nie:  om God se kind te wees.   Hoe oud is jy?   Dit is heeltemal oud genoeg dat Jesus jou sommer baie sal liefhê.

Dink nou so ‘n bietjie, vir wie kan jy van Jesus vertel?   En wat kan jy van Jesus sê?

Jy is nie te klein vir Jesus nie.  Jy is net reg!

Jesus,

U weet dat ek ....... jaar oud is.

Dit is oud genoeg om u helper te wees.

Om u helper te wees laat my voel ...................

.....................................................................................

Amen

Mary Manz Simon  :  Ek en Jesus kuier saam

♡  Jesus se Kindertjies/ Facebook ♡

♡†♡ Aan God drie-enig, alleen die eer! ♡†♡

(Die uitsendings van al my boodskappe, hang af van die stabiliteit van my internet konneksie.  Wanneer daar dus onderbrekings daarin is, sal daar ongelukkig ook geen boodskappe uitgestuur kan word nie.)

Liefde, liefde, liefde

Liefde, liefde, liefde

Ons moet mekaar liefhê ...  – 1 Johannes 4:7

“Ek baie, baie lief jou ...”  sê Christina vir tannie Rina.  Christina probeer vir tannie Rina sê hoe baie lief sy haar het.

Vir watter mense is jy lief?  Wys nou vir een persoon dat jy lief is vir hom of haar.

Het jy dit gewys deur vir die persoon te glimlag?  Toe jy ‘n baba was, was dit die eerste manier waarop jy liefde gewys het.

Het jy liefde gewys dmet ‘n drukkie of ‘n soen?  Dit voel goed om naby iemand te wees.

Het jy vir iemand gesê jy is lief vir hom of haar?  Dit is lekker om te hoor: “Ek is lief vir jou”

Dit is wat Jesus sê wanneer Hy vir ons mense gee wat ons help grootword.  Jesus sê dit ook wanneer Hy vir ons mense gee wat lief is vir ons.

Jesus is baie, baie vir elkeen van ons.  Oeps, ek het ‘n woord vergeet.  Sê vir my watter woord ek vergeet het:

Jesus is baie, baie ..................... vir my.

Jesus,

Dankie dat U lief is vir my.

Ek is lief vir U ook.

En dankie dat U vir my mense gee

wat my help om groot te word

en wat lief is vir my.

Hulle name is:

..............................................................................................

Ek is lief vir hulle ook.

Amen

Mary Manz Simon  :  Ek en JESUS kuier saam

♡  Jesus se Kindertjies / Facebook ♡

♡†♡ Aan God die drie-enige, alleen die eer! ♡†♡

(Die uitsendings van al my boodskappe, hang af van die stabiliteit van my internet konneksie.  Wanneer daar dus onderbrekings daarin is, sal daar ongelukkig ook geen boodskappe uitgestuur kan word nie.)

Verandering, verandering

Verandering,  verandering

Van ewigheid tot ewigheid is U God!  -  Psalm 90:1-2

Dit word nou somer waar Engela woon.  Die bome se bloeisels val af.  Die temperatuur verander ook.  Die termometer op die agterstoep wys dat dit al hoe warmer word.  Watter klere kan Engela aantrek om buite te gaan speel?

Engela se oupa maak die swembad skoon.  Engela help hom.

Nuwe seisoene bring baie verandering.  Maar Jesus bly dieselfde in die lente, somer, herfs en winter.  Ons kan altyd met Jesus praat.  Jesus is deur die hele jaar lief vir ons.

Jesus bly altyd jou heel beste Vriend.

Jesus,

Dit is somer waar ek woon.

Ek hou van hierdie seisoen

omdat ek lekker buite kan speel

in die warm sonnetjie.

Dankie dat U vir ons ‘n nuwe seisoen gee.

Dankie dat U altyd dieselfde bly en

nie verander soos seisoene nie.

Amen

Mary Manz Simon :  Ek en Jesus kuier saam

♡  Jesus se Kindertjies / Facebook ♡

♡†♡ Aan God die drie-enige, alleen die eer! ♡†♡