God vergewe jou sonde ღ
Het jy al besluit om te probeer om baie soet te wees,
en voor jy jou kom kry, het jy al weer ‘n verkeerde ding gedoen?
Daar is nie eers één mens wat sonder sonde is
nie. Ons doen almal elke dag verkeerde
dinge, al probeer ons ook hoe hard om te lewe soos God wil hê. Mense doen vanself sonde. Ons kan dit nie vanself regkry om God se
kinders te wees nie, want Hy is heilig en haat sonde.
Gelukkig maak God dit vir ons moontlik om van al ons
sonde verlos te word. Hy het vir Jesus
gestuur om aan die kruis te sterf sodat die straf vir óns sonde betaal kon
word. Daarom vergewe God ons ons sondes
as ons Hom vra.
Jesus wil jóú ook vry maak van die verkeerde dinge wat
jy doen, sodat jy van nou af net vir Hom kan lewe. Vra gerus vir God om jou sondes te vergewe –
Hy wil dit graag doen!
~ Tannie Nina Smit ~
No comments:
Post a Comment