Een God, maar drie Persone

Ons glo net in een God, maar hierdie God is 'n Drie-eenheid.

Moenie skrik as jy dit nie verstaan nie - baie min grootmense

verstaan dit! Die God in wie ons glo, is dieselfde tyd God die

Vader, Seun en Heilige Gees.

God die Vader is die Skepper wat alles gemaak het. Hy het die

son en die maan gemaak, die bome en die blomme, die diere en

die goggatjies - en ook vir jou!

God die Seun is Jesus wat as 'n gewone mens na die wêreld

gekom het. Hy het aan 'n kruis gesterf vir ONS sonde sodat ons

God se kinders kan wees.

God die Heilige Gees is God wat in al sy kinders woon. Toe Jesus

terug is hemel toe, het Hy sy Heilige Gees na die aarde gestuur.

Deur sy Gees woon God in jou en leer Hy jou hoe om te lewe

soos God wil hê.

~ Tannie Nina Smit ~

✉  :  Jesus se Kindertjies @ Facebook ♡

♡†♡ Aan God die drie-enige, alleen die eer! ♡†♡

poppieoosthuizen  @  gmail.com