Doen wat jou Bybel sê!
Belowe jy soms vir
jou maats dinge en dan doen jy dit nie?
Soms besluit ‘n mens dat jy gaan doen wat in jou Bybel staan, maar dan
doen jy dit nie.
Ons het al almal vir
ons maats of ons ouers dinge belowe en dit dan nie gedoen nie. Soms belowe ‘n mens vir jouself dat jy vroeër gaan opstaan om meer tyd te maak vir
Bybellees, maar dan is jy so vaak dat jy maar net so laat slaap soos
gewoonlik! Belofte maak skuld, sê die
spreekwoord. Dit gaan nie help as jy
weet wat in jou Bybel staan, maar daardie dinge nie doen nie. Mense wat dit doen, jok vir hulleself, skryf
Jakobus.
God wil hê dat jy aan
Hom gehoorsaam moet wees, dat jy sy tien gebooie sal nakom, dat jy ander mense
sal liefhê en die dinge sal doen wat Hy vir jou in sy Woord sê. Gaan jy probeer om van nou af te doen wat jou
Bybel sê?
~ Tannie Nina Smit ~
No comments:
Post a Comment