God het die wêreld gemaak – en vir jou. ღ
Het jy al gewonder of ‘n
mens dit ooit sal kan gekry om ‘n blom te maak?
Of wat van ‘n lewendige diertjie of selfs ‘n mens?
Mense kan baie wonderlike
goed maak, maar net God kan dinge in die natuur maak soos blomme en bome, wolke
en sterre, die berge en die see. Dit is
ook net God wat lewe kan maak.
Nadat Hy die wêreld en alles
daarin gemaak het, het God die mens na sy beeld gemaak. God gee vir die mens ‘n hart, ‘n siel en ‘n
verstand. Dit is net mense wat vir God
kan liefhê, dink en bid. Jý is dus die
heel beste ding wat God gemaak het!
Wanneer jy weer langs die
see stap of vir Mamma blomme pluk, dink daaraan hoe wonderlik God die wêreld
gemaak het. As jy na jou boetie of
sussie kyk, dink daaraan dat die mens die heel wonderlikste ding is wat God
gemaak het.
~ Tannie Nina Smit ~
No comments:
Post a Comment