Jy mag nie steel nie
Het jy al iets vir jou gevat wat aan iemand anders
behoort? Wat van iets wat jy opgetel
het?
Die agste gebod sê jy mag nie steel nie. As ‘n mens koerant lees of na die nuus op
televisie kyk, lyk dit asof meer mense as ooit tevore hierdie gebod
oortree. Ons hoor gedurig dat daar by
mense se huise ingebreek of van hulle geld gesteel is.
Al het jy self nog nooit daaraan gedink om iets te vat
wat aan iemand anders behoort nie, is daar ook ander maniere waarop ‘n mens kan
steel. As jy iets optel, moet jy eers
die eienaar daarvan probeer opspoor, anders steel jy van daardie persoon. Jy kan selfs van die Here steel as jy nie van
jou tyd of jou geld vir Hom wil gee nie.
Sorg dat jy altyd heeltemal eerlik is in alles wat jy doen.
~ Tannie Nina Smit ~
No comments:
Post a Comment